martes, 15 de junio de 2010
ZERGATIK AUKERATU DUGU GAI HAU?
Gure eskoletan kultur aniztasunaren errealitatea hurbiletik bizi dugulako eta gaur egun, etorkinen seme-alaben kopurua etengabe gora doa. Beraz, aniztasuna nagusi da eta etorkinek euren kultura ekartzen dutenez garrantzitsua deritzogu kulturei buruz eta eskolan duen eraginari buruz zerbait gehiago jakitea.
IRUZKINA
Eskolaren helburuetako bat ikasleen sozializazioa da eta sozializazioak integrazioa oinarritzar hartu behar du. Beraz, etorkinen integrazioa lortzeko administrazioak oinarri moduko marko teoriko batzuk garatu ditu, besteak beste, immigrazio plana. Hala ere, marko horiek ez dute arau mailako baliorik; horregatik gehienetan orientazio bezala gelditzen dira. Baina hau guztia ikastetxe bakoitzaren esku gelditzen da eta ikastetxeen programa bakoitza bere ezaugarriak ditu; batzuk xume samarrak eta beste batzuk, aldiz, oso landuak.
Integrazioa eta elkarbizitza bultzatzeko ereduen artean hainbat proiektu ezagun dugu: Ikas Komunitateak, Ingurune Hezkuntza-Planak…
· Ikas Komunitateak: elkarbizitza inguruan garatutako erreferentzia programa da. Helburuak berdintasuna eta elkarbizitza dira, eta oinarri bezala komunitate osoaren parte hartzea dauka. Bestalde, Hezkuntza Sailak laguntzeko baliabideak hartu ditu.
· Ingurune Hezkuntza-Planak: Hezkuntzak dituen beharrei erantzuteko tresna bat da. Helburua haur eta gazteen bizitza, esparru ezberdinetan hezkuntza- ekintza koordinatzea eta dinamizatzea da. Plan hauek ikastetxeen hezkuntza- ekintza osatu eta indartu nahi dute.
INFORMAZIO ITURRIA
http://www.hikhasi.com/artikulua/1298
http://www.soziolinguistika.org/eu/node/1761
0 comentarios:
Publicar un comentario